Monday, February 06, 2006

يا بلد .......


ماكنتش ناوى أقبح على البلوج لكن مش قادر أمسك لسانى .. ماحدش يزعل لو قلت أحااااااااااااااااااااااااااااااااااااااااا .. و خخخخخخخخخخخخخخخخخخ.. لأن اللى بيحصل فوق التخيل .. عبارة تغرق ف 7 دقايق!!!!! .. و يموتوا بالآلافات مصريين م اللى دمهم أرخص م العرقسوس .. و بدل ما يعزوا أهاليهم يضربوهم بالقنابل المسيلة للدموع!!! .. هما ناقصين دموع يا ولاد الوسخة؟!! .. هو احنا حيلتنا ايه غير الدموع؟!! .. دايماًً دموع "على رأى حمادة هلال " .. نفس المشهد مكرر .. قطر الصعيد .. قطر كفر الدوار .. مسرح بنى سويف .. و زمان كان فيه سالم إكسبريس .. دايرة بنت وسخة بتكرر .. مسلسل سخيف ممل من بتوع الساعة 7.15 بيعيد نفسه .. و كل مرة كام ألف جنيه تعويض على كام برقية عزا على كام مسئول يزوروا الضحايا ف المستشفيات عشان يتصوروا جنبهم - و طبعاً المصابين بيبتسموا و مرتاحين م الرعاية اللى ف المستشفى - و يقولوا إن السيد الوزير انتقل لموقع الحادث و اطمئن على صحة المصابين بنفسه .. و طبعاً اللى ف الصور دول مش مصابين و لا نيلة .. دول كومبارسات من مكتب ترك الريجى أو من قهوة بعرة .. الواحد ب 20 جنيه .. أو ببلاش يمكن علشان المرة دى المهمة وطنية.. احا يا بلد .. ماحدش يزعل على السودانيين لما يتفشخوا ف بلدنا .. ما احنا بنتفشخ من أيام الكتابة المسمارية و لسة ياما .. و للعلم دى حلقة م المسلسل و لسة حلقات كتير جاية .. و الفرجة للدجى .. و لسة هاندمع لما عينينا تبيض .. حيلتنا إيه غير الدموع و الدعا .. أفيون الغلابة ... 60 أحا يابلد ..

يا بلد عاوزة ولد ........ بس انا مش فاضى

13 comments:

change destiny said...

احم احم . أولا حعتبر نفسي مسمعتش كل الشتايم اللي في ال تدوينة
ثانيا : ايه يا عم ؟ في ايه ؟ زعلان ليه؟
الدولة حتصرف 3 الاف لاللي ماتوا و ألف و نص للمصابين . في أكتر من كدة كرم ؟ يعني مثلا لو فقدت رجل يدولك نص . و لو فقدت التانية يدول نصين . نكمل على الايدين . يبقى فاضل ألف للباقي . ايه حنحمرق بقى ؟

يا عم استنى بكرة حنتباع بالكيلو باتنين و نص تعالى بص

و أمجاد يا عرب أمجاد

Lasto-adri *Blue* said...

حقك تقول كل اللى فى نفسك... حقنا كلنا نقول.. خلاص بقى.... اللى اختشوا ماتوا
القصد... ربنا يصبر أهل الضحايا يا رب...
دول حالتهم ضنك خالص

وحسبى الله ونعم الوكيل

بعد الطوفان والجو شبورة said...

change destiny : أولاً الشتايم دى طلعت لوحدها و مش هاقدر أعتذر عنها لأن اللى بيحصل فينا أوسخ م اللى انا قلته بكتير و ماحدش بيعتذرلنا .. و لو اعتذروا مش مقبول إعتذارهم
ثانياً : معقولة نرخص لدرجة2.5 ..حتى ماحصلناش 3.25 .. يا 100 ندامة..

lasto-adri: انتى السبب ف التدوينة دى .. انا كنت كافى خيرى شرى و ساكت .. لحد ماقريت اللى انتى كاتباه .. رحت مدِّيها .. لو حصل لى حاجة .. هاشدك معايا :)

للعلم ده ولا حاجة ف اللى كان نفسى أقوله

Sekhmet said...

عادى
زعلان لية ؟؟ راح كام ميت واحد فيه غيرهم كتيررررررررر و الموضوع كله قدر يعنى ملوش دعوة بالاهمال و لا بالرشاوى اللى بتتاخد علاشان المسائل تعدى
وبعدين ده من كرم سعادة البيه القائد الوزير انه اتعطف ونزل من المكتب المكيف علاشان يزور شوية البتوع دول قال اية علاشان اتبلوا بشوية ميه و ترجع بعد كده تعمل زعلان اخص عليك مليكش حق
و بتشتم كمان لاء بجد اخيييييييه دا انت طلعت وحش موووووت
يابنى البلد دى مفهاش ارخص من البنى ادمين ولو مش مصدق بص كده على طوبير فرن العيش او اتوبيسات النقل العام او اى مستشفى حكومى وانت تعرف ان اللى راحوا فى موضوع العبارة دول استريحوا

hesterua said...

امال بقى لو طلع الحركة دى مدبرة عشان مبالغ التأمين وكده
محدش يقوللى نظرية المؤامرة المعتادة
لأ
عشان انا كنت شغال فى سفاجا فى الغطس
و شفت بلاوى كتير من دى
الشركة بتغرق يخت او سفينة عشان التأمين
اه يا بلد

mindonna said...

و لا يهمك ..قول اللي انت عايزه

بس انت بتحط صور حلوة دايما في مدونتك

yara said...

fe blog el7afela oltelak elly bye7sal m3a elsodaneen haye7salena gowaha w enta olt atamana eno maye7salenash w aho 7asal w bye7sal
w zay manta olt 7ala2a f mosalsal
w elsheteema a2al 7aga
sorry for my english wa7ed 3aref nafso khabat elgehaz 3en ...

kalam said...

هو بصراحه انا عاذر وعايز اقول اكتر من كده
بص هاطلب منك طلب
يا ريت تبقى تشيل التدوينه دى من جنب تدوينه الفستق المملح
لحسن بصراحه اللغه مختلفه اوى لدرجه تخض
بس انا معاك ان الموقف يستاهل احاااا بكميات

Lasto-adri *Blue* said...

ولا يهمك
من قبل ما تشد ح أتجرجر قبلك.... هى هى... بس ولا تشيل هم...... كله محصل بعض... كله بقى ملوش طعم جديد

Unknown said...

صدقونى العيب مش بس في النظام
العيب فينا احنا
م الاول
وف الاساس

احنا نستاهل كل اللى يجرى لنا واللى يجرى علينا
عشان مبنعرفش نعترض ونقول احا
غير ف الخفا و وبتطلع مجرد همس

Anonymous said...

momken so2al bas:
eeh tasworak 3an elly elmafrood ye7sal?
we begad 3awza a3raf weghet nazrak

بعد الطوفان والجو شبورة said...

على الشاطىء الآخر : معاكى جداً ..هاتقوليلى ع الطوابير و الأوتوبيسات و مستشفيات الحكومة .. عارف و شايف و سامع و شامم و دايق و لامس ..

هيستيريا: مفيش حاجة بعيدة ف بلدنا .. كل شىء جايز

mindonna : شكراً على الفرصة دى .. و سعيد ان الصور عاجباكى .. و ده من بعض ما عندكم يافندم

yara : شفتى بقى .. أهو حصل أسرع مما نتوقع .. هاعمل ايه ف لسانى اللى يستاهل قطعه !!
واضح ان سرك باتع .. بركاتك يا ست

kalam: كان نفسى أنفذ طلبك ده .. لكن يعز علية أقوللك مققدرش .. لأن رغم الفرق اللى بتقول عنه ف اللغة و الطريقة .. لكن الأتنين أنا .. ..
و انا واحد لا يقبل القسمة غير على نفسه ..شرفت

lasto_adri : فعلاً مالوش طعم .. علشان كده دايماً باحط كاتشب ..يمكن يتعدل :(

geronimo : و الله احنا بنقول كل حاجة .. بس ماحدش بيسمع .. ماحدش فاضى يا بنتى .. هية الناس هاتاكل عيش و لا تقول أحا !؟د


fengan ahwa : أولاً علشان أرد على سؤالك ده يلزمنى كيلو بن محوج أشربه ورا بعض و بعدين نتكلم ..
ثانياً علشان أقوللك وجهة نظرى دى حاجة عاوزة تلات أيام كتابة و انا ايدى بتوجعنى الحقيقة يعنى .. هاختصر و اقوللك : ناقصنا نتعامل معاملة ناس زى الناس .. لأن الفرق بينا و بين الإنسانيه ..هنا ف بلدنا مية مليون فرسخ ضوئى

Anonymous said...

yaaa 3al waga3......

radwa