Thursday, May 04, 2006

نوبة ما قبل الرحيل

محاولاً انهاء حالة الحياد الشعورى التى تسيطر على كل خلية فى جسدى البائس قررت أن أكتب دون رغبة حقيقية فى ذلك و بلا فكرة مسبقة عما أود كتابته .. أن أرتجل .. أن أرتحل عن عزلتى الإختيارية فى جزيرتى المنبوذة بلا هدف أو هوية و لا أمتعة .. وحيدأ كما أحببت مؤخراً أن أكون .. كرهت أن يقتحمنى الغرباء ليستهلكون نخاعى هباءاً .. فأسلمت لنفسى للفراغ ينهشنى .. ألتحف البرودة و أضاجع الوحدة .. ننجب سأماً .. أيام ينقصها الرضا لكنها أقل خسارة ممكنة . فليس أتعس للمرء من خواء العيش بين نفوس مختزلة بروح أنهكها الضجر .. لا سيما إن إختصك الرب بلعنة قراءة ما بين السطور حيث الكون يدس أسراره المشينة ..
حين تختفى عن ناظريك كل الوجوه المألوفة لا مفر من مواجهة ذاتية عنيفة لا تواطؤ فيها..غالباً ما تنتهى باتفاقية سلام انفرادى مؤقتة .. أسميها دوماً نوبة ما قبل الرحيل .. الآن أستطيع بلا عناء أن أجد عنواناً يمت بصلة لذلك العبث الطفولى الذى أمارسه الآن فى محاولة مرجوة للتحرر من شىء ما أجهله .. يطل الشعور بالتورط فى آثام بحق آخرين الآن- رغما-ً من جرح روحى قديم وغائر ظننته اندمل.. فتطاردنى الرغبة فى الإعتذار للأثير .. و كساعى بريد مل تسليم الرسائل لأشخاص لا وجود لهم .. قررت أن أفرغ حقيبتى من أحلامى القديمة ثم أمزق الحقيبة .. لأشترى حقيبة بديلة من أحد محال طلعت حرب ذات الضوء الزئبقى البراق .. حقيبة تصلح لحمل أوحال الواقع .. وآثام المستقبل المرجو 0..لأبدأ رحلة الدوران السرمدى فى الفراغ الممتد .. حيث لا جدوى للأسئلة و لا معنى للإجابات .. و لا شىء .. لا شىء البتة

11 comments:

Doaa Samir said...

بقى تغيب، تغيب وترجع وإنت عازم على الرحيل مرة أخرى؟!
يانهار أبيض!!! كل ده يا طوفان؟!!

مع ذلك أنا أتفق معك في أنه "ليس أتعس للمرء من خواء العيش بين نفوس مختزلة بروح أنهكها الضجر.. لا سيما إن اختصك الرب بلعنة قراءة ما بين السطور حيث الكون يدس أسراره المشينة"
ناس كتير من ذوي النفوس الرهيفة تتعرض لمثل تلك "النوبة" ياطوفان..لكن أنا أفضل تسمية التدوينة والحالة اللي إنت فيها دلوقت "نوبة ما قبل العودة".. لأنها فترة بيقضيها الواحد في إنه يستوعب ماقبلها وما سيأتي بعدها مهما كان مُرّ ومش نضيف.. بس بيكون محتاج زي بريك كده أو فترة نقاهة ليستعيد نفسه تاني ويمارس حياته ويفتح قلبه وعقله لكل ما فيها سواء يقبله أو يرفضه من اللي بيشوفه على السطح أو بين السطور ووراءها ويحافظ على توازنه

تدوينة جميلة رغم أساها ووجعها

change destiny said...

حين تنضخ الأيام رتابة و ينبض القلب صمت تتمنى الاصتدام بأحدهم كي تشعر بأي شيء و لو بالألم

Nour said...

M3lesh comment bara el mawdou3:

Check ur email!

change destiny said...

فين " شوية زبالة " ؟ مش لاقياها

Anonymous said...

يااااااااااااه
ليه كل الحزن ده ياياسر؟
ايه كل الحاجة و الضعف ده؟
امال فين فايدة العزلة اللى انت بتقول عليها دى ان ماكنتش هاتخرج منها و انت مختلف
و ازاى بتتوهم كده ان ده الوضع اللى هايكون فيه أقل الخسائر؟
انت مش قد الوحدة بجد
انت كده بتثبت بالدليل القاطع انك مش قد الوحدة

3arousa 7alawa said...

أنا أيضــــاً... أشاركك
اللامكان
اللاإنتماء
اللامتعة
اللارغبة
اللا ...شئ
وانت عامل ايه دلوقتي؟

بعد الطوفان والجو شبورة said...

كروان : إزيك .. آسف على التأخر فى الرد
الرحيل مش دايماً بيكون قرار حر .. ساعات بيبقى إضطرار و ساعات هرب ..

مش ضعف منى و لا رقة .. يمكن زهق .. شوية زهق و راجع برضه .. مش رايح بعيد .. لسة شوية .. أنا أهو
أشكرك على وجودك فى مدونتى المتواضعة

change destiny : جميلة كلماتك كالعادة رغم أى شىء

nour : حصل يا فندم

chnage destiny : شوية زبالة شلتها كخطوة أولى للتعديل تمهيداً للتنفيذ .. ده بعد إذنك طبعاً .. و يا ريت أعرف رأيك ف الحكاية دى بالتفصيل فى أى وقت
يهمنى

فنجان : ليه تفهمى كلامى على إنه ضعف و لا حاجة .. دى كريزة ملل عادية و مشروعة .. و ادينى عايش أهو و مكمل و حواليه ناس باحبهم .. مش لوحدى .. و لو وحدى هاكمل برضه .. قدها .. انتى بس ماتعرفينيش كويس

عروسة حلاوة : أجمل ما فى هذا اللا شىء العبثى .. هو إقتسامنا إياه

change destiny said...

اسرقونا بقى ... يعني لما انت تنفذها أنا أخرج ايه ؟ :)

أكيد فكرة هايلة و صدقني أنا مش من النوع اللي بيجامل

بس هو انت حتعملها بالترتيب دة و بنفس عدد المشاهد ولا حتعمل ايه بالظبط و حتنفذها ازاي مش هي كانت مكتوبة في صورة ناراتينج مش كسيناريو؟

على العموم يا ريت تعملها upload
بعد ما تخلصها و ربنا يوفقك

Anonymous said...

قد لا تعرفنى لانى اول مرة اعلق وهذة اول مرة فعلاا ارى مدونتك وهى عموماا كلها جميلة وواقعيه ومليئة بالرقة وبالنسبة لنوبة ما بعد الرحيل فصدقنى من خلال قراتى لكلماتك احسست انك لن تستطيع ابداا ان تمزق حقيبتك القديمة وتفرغ ما بها من احلام وتشترى اخرى جديدة وحتى ان فعلت فى لحظة لا تشعر بها فستظل طول الوقت تحن اليها وتتذكرها وتقول ليتنى ما فعلت وان جائتك الفرصة لتعود اليها فممكن الا تفعل ولكنك ستظل دائماا تحن اليها0وصدقنى هذا عن تجربة

Anonymous said...

ya tara enta feen delwa2ty?
mesheet?
radwa

Anonymous said...
This comment has been removed by the author.