Thursday, October 05, 2006

تقدر

تقدر ترجع طفل وليد
تقدر تحزن ليلة عيد
تقدر تمسح دمع عيونك
قبل ما يلمس كف الإيد
تقدر !!؟
تقدر تمشى ف هم الناس
قلبك مدنة و شوقك كاس
تبقى حكاية أرض وحيدة
تحكى سطورها ب سن الفاس
بس إن شخبط قلمك مرة
إوعاك تقطع م الكَراس
تقدر ترسم كون شفاف
تبقى النون والحلم الكاف
تغضب لو ألوانك رفضت
تفصل بين كل الأوصاف
بس إن شفت الحلم بيرجف
إوعاك تقبل كون خواف
تقدر ترجع طفل وليد
تقدر تحزن يوم العيد
تقدر تمسح دمع عيونك
قبل مايلمس كف الإيد
بس ف مرة إوعاااااااك تعشق
وانت ف صدرك قلب شهيد
تقدر
إسلام حامد
الصورة.. حمدى رضا

10 comments:

Anonymous said...

ياريت كنت اقدر!!ـ

Anonymous said...

*قلبك مدنة و شوقك كاس
*بس إن شخبط قلمك مرة إوعاك تقطع م الكَراس
*الكافتغضب لو ألوانك رفضت تفصل بين كل الأوصاف بس إن شفت الحلم بيرجف إوعاك تقبل كون خواف
*إوعاااااااك تعشق وانت ف صدرك قلب شهيد

7elwa awi

Bassma said...

بجد رائع النص و الصوره .. تحياتي

change destiny said...

طول ما النبض في قلب الممكن

طول ما الحلم في صورة جايز

يدفن المستحيل العاجز

و يكسر الأمل كل حاجز

ayman_elgendy said...

لغاية دلوقتي مش قادر

....بس بحاول

:-)

M. El-Hajj said...

ممكن نحاول نقدر يا شقيق

أدهم الصفتى said...

to have hope is to have fears too.naaaah.. hope?! ..... NAAAAAAAH

أدهم الصفتى said...

adham ya zmeeli

شمعى أسعد said...

تحياتى لكاتبها
وكفاية اقوله انى
كنت اتمنى اكون
انا اللى كاتبها
:)

بعد الطوفان والجو شبورة said...

eno : ياريت يا ريت
منورة

piglet : إنتى أحلى

bassma : بجد إنتى ذوقك عالى .. تحياتى

change destiny : بيعجبنى حماسك لما تبقى مصدقة اللى بتقوليه

ayman : ولا أنا بس برضه بنعافر و باستعبط
شرفت

zengi : إيدى على كتفك يا شكس .. أتمنى
locaa : صحيح يا أدهم هى باكيج على بعضها .. take it or leave it

sham3y : شكراً على ذوقك و إعتبر نفسك كتبتها لو ملاقى روحك فيها .. زى ما باعمل كتير

شرفت