قافل شبابيك القلق
و باعدِّى بيكى
م الشوارع و الحوارى الضيقة
م الشوارع و الحوارى الضيقة
المليانة خوف
الوقت مش وقت ترديد الأغانى
الميتة
و لا وقت تبقى الكلمة فيه لسة
متشتتة
ماتكرريش صوت ارتطام الحلم
بجبال الفولاذ
ده اسمه ابتزازززززززز
يا حلم ماعداش مجاز
يا حلم ماعداش كده
الدنيا ليه متنكدة؟؟..
برة الإزاز
شامل
الصورة ل .. حمدى رضا
9 comments:
عشان قلوبنا مش حجر
و عيوننا عاشقة للسهر
و للجمال و للحياة و للسهر
و نخاف من الموت و القدر
و عشان بشر
و بننكسر
بره الازاز احلام كتير
بره الازاز دنيا تانية ملونة
حلم اكبر مننا
يا تمد ايدك عشان تطوله
يا تعيش عمرك تحلم تنوله
خايفة تكون دي السكة الغلط
رافضة اعبش جوا الحلول الوسط
خايفة البس توب
يملس ضوء النهار يضيق
نمشي سوا
ولا تلمس رجلينا حتى أول الطريق
لاء ثانية واحدة
دة شعر مين ولا اغنية مين بظبط؟
الردود والبوست اجمل من بعض
لأ بقى .... الردود أروع م البوست .. إيه الردود التحفة دى .. ما تتفضلوا تدونوا مكانى أحسن :)))))) .. لأ بجد أشكر القصيدة الملهمة
:)
aiwa fe3lan lessa da7'la a2ool enn el poem ra2ee2a we classic awi, we enny 3awza a3raf meen da,
enzahalt men el comments...
*claps*
دايما مسكتنى كده يا عم ياسر
فين الحاجات دى من زمان
ولا أنت بتنقطتنا شويه شويه بيهم
القصيدة والصورة كالعادة ومش أى عادة حلوين ومناسبين لبعض
رائع جميل عبقري مبهر غير عادي .. ده بالنسبه للشعر .. و بما اني من محبي هذه المدونه فبعد ازنك انا حبيت اديلك هديه تاج بنفسج .. شوفه علي مدونتي لو مهتم
حلو أوي الشعر او الأغنية دى , مين بجد اللى مغنيها او صاحب القصيدة دى ؟
و الصورة كمان حلوة اوى
***
دخلت لقيت الردود شعر هي كمان , قلت انا ح اعمل ايه هنا ؟
بس حبيت اقول ان الشعر رائع
ماتكرريش صوت ارتطام الحلم
بجبال الفولاذ
ده اسمه ابتزازززززززز
الله
Post a Comment