Sunday, December 11, 2005

لسة قادر

رغم كل الحزن قادر لسة أفرح
رغم كل الزحمة قادر لسة أسرح
رغم كونك مش معايا
رغم كونى لسة ضلمة
لسة برضه الشمس طالُّة
رغم قلة مطرى قادر لسة أطرح
من غيطان الهم غلُّة
رغم جوعى لحضن دافى
رغم حضنك ليُّه كافى
يسقينى و يبدل جفافى
بس أشهد إن مافى
مرة قدرت أفك رموزك
رغم إنك إكتشافى


ياسر 2000

5 comments:

change destiny said...

جميل جدا . بس عن مين؟

بعد الطوفان والجو شبورة said...

عن واحدة كانت فى حياتىو راحت لحالها ..شكراً على رأيك.

shortcut said...

جميل ان يكون انك بعد الحزن ده عندك عزيمة و عايز تفرح تاني
ساعات بعمل كده بس لفترة مش طويلة ة ارجع بعد شوية حاجة اشد تزعلني
بس هي دي الحياة

بعد الطوفان والجو شبورة said...

يا حزين يا قمقم تحت بحر الضياع
حزين أنا زيك ..و إيه مستطاع
الحزن مبقالهوش جلال يا جدع
الحزن زى البرد ..زى الصداع
عجبى

Anonymous said...

te3raf...lama ba3mel mosh wakhda baaaly enny mehtagaaa,bab2a follaaa....baasss aah law rakezt shwaya....yooo mosh bakhlasss newaaah....el hodn da moshkela ya akhy....

radwa