Monday, December 19, 2005

أنا..!

أنا العجوز قبل الأوان
أنا اللى تايه ف المكان
أنا اللى باسكر كل ليلة
و انا اللى بارفع الآدان

أنا اللى جيت آخد بإيدك
و انا اللى مصلوب ع العيدان

أنا اللى جرحى ينِزّ حكمة
و انا اللى سايق ف الجنان

أنا حصنك وقت خوفك
أنا اللى شارب مُرّ جوفك
أنا اللى قابل ضيق ظروفك
و انا اللى باهرب م الطوفان


ياسر 05

9 comments:

change destiny said...

إنت إختيارك ... تسكر تصلي , تحزن تغني , ترقص تموت إنت قرارك

بعد الطوفان والجو شبورة said...

عاجبنى ردك أوى .. فيه مزيكا .. شكراً ..و عاوز أقرالك حاجة جديدة قريب ..يا باشا يا باشا(:-

change destiny said...

و أنا أقدر أتأخر
؛)

Omar Mostafa said...

ما انت كدة وانت كدة
ثاير موّلف ع الرضا

يا مساء الفل، ع الورد البلدي :-)

بعد الطوفان والجو شبورة said...

تمام يا عمر .. أنا موافقك .. مساء الفل ع الورد البلدى (:

Eve said...

تشرّفنا أيّها الأنت. يبدو أنّك من المختلفين أيضاً ;-)
أسجّل إعجابي!

بعد الطوفان والجو شبورة said...

eve : إحنا اللى حصلنا الشرف يا فندم .. أسجل إعجابى بمدونتك أيضاً

Anonymous said...

أنا حصنك وقت خوفك
أنا اللى شارب مُرّ جوفك
أنا اللى قابل ضيق ظروفك
و انا اللى باهرب م الطوفان


7elwaa awi
dayman betekteb nehayat gamda

Anonymous said...

اااااااااااه يا ياسر