Saturday, December 24, 2005

آلهة من عجوة

إلى كل من ينصبون أنفسهم أوصياء و آلهة فوق رؤوسنا ..يظنون أنفسهم يمنحون و يمنعون يعاقبون و يثيبون ..و لا يخطئون .. كفاكم قعقعة و ضجيج بلا طحن ..
و لينكفىء كل منكم على ذاته المحتقنة قبل أن يجلد غيره بسوط أخرق لن يؤذى سواه
لستم آلهة يا أصحاب النفوس المهلهلة ..بل أنصاف آدميين غير مكتملى النمو ..
حيوانات منوية تورمت و توحشت قبل تمام نموها .. تتغذى على فضلات غيرها كى تحيا
كفاكم صراخاً و عويلاً ..فقد أفسدتم عصوراً كاملة .. لسنا اليوم بحاجة إلى آلهة جديدة
فلدينا آلهة تكفى .. آلهة من عجوة

9 comments:

Solo said...

دى بقت حاجة وسخة يا راجل
كويس انك قلت البقين دول

mindonna said...

كل الكلام اللي كتبته عجبني أوي،بيختصر كلام كتير موجود في حياتنا ..ماعدا حتة آلهة من عجوة
:)

Anonymous said...

تسلم عزيزى


كلام جميل ومنطقى


وفقنا الله لما فية الخير

مع خالص تحياتى

Mr-Biboooo said...

اكرر تعليق سولو

حيوانات منوية تورمت و توحشت قبل تمام نموها .. تتغذى على فضلات غيرها كى تحيا

انت جبت من اخر

change destiny said...

دة ايه التشاؤم الأزلي دة
حتقولي دة مش تشاؤم دي واقعية
حقولك ما هي الواقعية اليومين دول تشاؤم
:p

بعد الطوفان والجو شبورة said...

سولو : فعلاً هى بقت حاجة وسخة ..
mindonna :شكراً على رأيك ..و حكاية آلهة م العجوة لأن حياتنا مليانة نماذج من دى كتير ..و بالذات فى بلدنا اللى نصها آلهة و رموز غير قابلة للمساس أو المناقشة و هما فى الحقيقة آلهة من عجوةزى اللى كانوا بيعبدوهم فى الجاهلية الأولى ..تفتكرى لما الإله يبقى م العجوة هاينفعك بإيه غير إنك لما تجوعى تاكليه.

تامر: شكرأ ليك و ربنا يوفقك
خالص تحياتى

mr- bibooo: واضح أننا متفقيين أنا و انت و سولو و أنهم قرفونا ف عيشتنا و شكراً على رأيك .

change destiny : ده مش تشاؤم و لا واقعية .. الموضوع كبير بجد
كوكب الأرض يحتضر لأن الإنسان يصر أن يلعب دور الإله

Unknown said...

انا فرحانة قوي انى هنا
اسلوبك حلو قوى
كالعادة جيل لا يؤمن بالمسلمات
ولا ينحنى للمقدسات
ولا يعرف سوى منطقه الخاص
ونظريته الذاتية

قولهم والنبي قولهم
اننا مش هندور ف نفس الدايرة
احنا مختلفين
عليهم وعلى اللى جابهم

HERA said...

جيت ع الجرح
وكل واحد من دول متبنى الدفاع عشان يثبت لنفسه انه افضل من ده او دى كلها عقد نقص
"لينكفىء كل منكم على ذاته المحتقنة "
حلو اوى التعبير ده

بعد الطوفان والجو شبورة said...

gernimo: أنا كمان فرحان بزيارتك الأولى للبلوج بتاعى .. شكراً على رأيك اللى بسطنى جداً .. البلوج بتاعك كمان جميل أوى .. إحنا أكيد مختلفين .. الواقع بيقول ده قبل ما انا و انتى نقوله .. و عمرنا ما هاندور فى دواير حد غيرنا

hera : ماقصدتش آجى على جرحك .. لكن واضح إن الجرح واحد .. و سبب الجرح كمان واحد .. و التعبير اللى عجبك ده من بعض ما عندكم يافندم .. نورتى