Thursday, October 19, 2006

ربما يكون مغلقاً

  • نقلاً عن مدونة عماد شباك صاحب التصميم و التدوينة الأصلية و مصصم التيزر و البوستر ..



    بعد هوس بالسينما دام لسنوات ..و جنان و أحلام يقظة .. و هلاوس سمعية و بصرية ..و عشق محموم و خطرفة كل ليلة و تاركوفسكى و ألمودوفار
    و
سكورسيزى قبل الأكل و بعده فى كبسولات و حقن وريد وعضل (((((: 1
نجح الصديق العزيز سولو الشهير ب شريف الزهيرى فى إنجاز أول أفلامه "ربما يكون مغلقاً" .. و رغم إن الفيلم ده هو أول تجربة ليه مع صناعة الأفلام - بعد الفرجة الكتيير - و رغم إنه فعلاً ماوقفش فعلاً فى لوكيشن تصوير قبل كدة زى ما قال إلا إن تجربته خرجت أنضج من تجارب كتير لناس عملت 3 و 4 أفلام و لسة تجربتهم نية وناقصة سوى
مش هاعرف أتكلم عن الفيلم أو أقيمه بحيادية مش بس علشان تحيزى لصاحبى لكن كمان باعتبارى أحد المشاركين فى التجربة .. كممثل
ربنا يستر بقى و يكون فى عون اللى هايتفرجوا-1-
.. لكن بجد مجهود جميل من كتابة السيناريو ل كريم قنديل الذكى الإنتاج نرمين نزار المخلصة المونتاج ل عماد ماهر الملون دائماً-
sofa التصوير ل إسلام كمال و الموسيقى ل ..
و التمثيل للجميلة .. فرح يوسف و الفقير إلى الله ياسر عبدالنعيم اللى هو أنا بقى و أعوذ بالله من كلمة بقى:))))1
أخيراً أتمنى إن التجربة تكون عند حسن الظن و أياً ما كانت النتيجة يكفى إخلاص الناس اللى بذلت مجهود فى التجربة دى بجد
العزيز شريف .. ألف مبروك يا واد و عقبال الجايات يا شركة .. و بجد بجد ماحسيتش و لا مرة و احنا بنصور إنك بتشتغل الشغلانة دى لأول مرة .. و شكلك عملت أفلام قبل كدة و بتصيع .. إطلع من دول يا تنين و اعترف !!1
بالتوفيق دايماً
اللى صممه و صمم البوستر عماد شباك مع ملاحظة ضغط الألوان و جودة الصورة حتى تناسب العرض
ربما يكون مغلقاً teaser و ده لينك لل

12 comments:

السهروردى said...

عزيز قلبى ياسر
ألف ألف ألف مبروك يا زعيم
والله الواحد مش عارف يهنيك إزاى يا وحش الوحوش
أنا عايز اشوف الفيلم بأى شكل ولون
وعايز أشوفك انت كمان
:)
وألف مليون مبروك عليك وعلينا السينما اللى حتكسر الدنيا

Anonymous said...

mafeesh link

hesterua said...

الف الف مبروك
وانشاء الله تبقى فانحة خير
ويعقبها خطوات انجح
تحياتى بجد

Anonymous said...

ah el link esta3'al men laptop....
good luck

Anonymous said...

مبروك رسمى .. مع سبق الإصرار و الترصد .. بجد بجد مفاجأة حلوة جدااااااااااااااا.. مبروك لكل اللى شاركوا فى العمل ..بس عاوزين نشوف بقه
:)))

Omar Mostafa said...

أخبار جميلة، ألف مبروك

من القلب said...

الف مبروك و ان شاء الله يكون بداية خير يا رب
و كل سنة وانت طيب

Unknown said...

بجد مبروووك اوى اوى اوى فرحنالكوا من قلبى :)))

ملاك said...

مش زابطة معي هيك

لااااااااااااااااااااااااااااااااااازم اشوف الفيلم

عم بتحرقصوني كتير هيك

كل الحلوين شاغلين فيه, طيب عدل كفاية بيكون انو اشوفو, صح؟

ع كل حال: يا ريتو عشرطعشر الف مبروك يا حبايب

بعد الطوفان والجو شبورة said...

أشكر كل من قاموا بالتعليق و أعتذر على التأخر فى الرد لظروف رفع المدونة و خلافه ..... بجد أسعدتنى تعليقاتكم و تهانيكم ..... و عقبال عندكم جميعاً :))))

Anonymous said...

3eeb awy keda ya 3am yasser a3raf en el film et3arad mn noran msh mennak enta... ommal nimrety ra7et feen..ha??
3moman alf mabrouk mn abl mashof ymken my3gbnesh walla 7aga :PP

Anonymous said...

kan nefsy ashoof el film ya yasser..
begad nefsy...alf mabrook leeko koloko
radwa