Thursday, December 28, 2006

أيام ديسمبر الأخيرة

إنت و انا
إنت و انا
إنت و انا
أيام كتير
وشهور كتير
و سنين كتير
كلها كانت ديسمبر
شهر واحد ف السنة
لكن أخير
برد و مطر وانا فيه لوحدى
الزمان
صورة جمال
وهى مشدودة بخيوط العبط
متشعلقة ف كنا وكان
المكان
عيال كتير
حوش كبير
جوة بيت
جوة حارة
عليها يافطة نحاس قديمة
السلم المكسور حدفنى جوة حجره
راجل عجوز
طبطب عليا بعين حزينة
(مش تحاسبى)
سكاكين كتير من عنده رشقت جوة قلبى
اتحفر جوايا وشه
نظرة عينيه التعبانين
وعملته بالصلصال ملك
على كرسى عرش كبير .. كبير
و عملته بالصلصال ملك
لابس حرير
كنت لسة يادوب .. يا دوب
باقدر أجيب كرسى صغير
و اطلع عليه اشب اطول
صندوق قماش أمى الكبير
و اسرق شريطة
لونها أحمر
تبقى جميلة
لو كات طويلة
و كات حرير
و اعقد فيونكة كبيرة خالص
و اخرج أطير
أسبق بنات كل الحارات
كنت لسة يادوب
بعرف .. بحس هو إيه طعم الحاجات
أول فرح
جواب صغير جوة منه ملبسة
و سؤال برىء غبتى ليه م المدرسة
حسيت ساعتها إنى بنت
ليا رسم
وليا كسم
وليا قد
و صوتى لو غنّى يشد
أول الخوف الكبير
جوة قلب الفصل ف الدرج الأخير
و إيديك بترفع حبة حبة
من تحتى ديل المريلة
كنت لسة يادوب .. يادوب
بعرف .. بحس يعنى إيه كلمة حبيب
أول خصام
أول خصام ما بينا كان
و انا بسرق الرز ف جيوبى
عشان أأكل الحمام
و انت بتصيد اليمام
بتلمه ميت جوة شنطة مخططة
كوابيس فظيعة
خوف .. قلق
قرف .. صداع
وحاجات كتير متلخبطة
أول عطش
لما ماقدرتش أقوللك
السلم المكسور حدفنى ف حجر مين
مين العجوز اللى عملته بالصلصال ملك
على كرسى عرش كبير كبير
مين العجوز اللىإتحفر جوايا وشه
و انحنى مع ضهره ضهرى
يوم ما شرحلى بنظرة واحدة
يعنى إيه راجل فقير
صحيت و نمت عجوزة زيه
جوة روحى و جوة قلبى كرمشة
و تجاعيد كتير
و الهوان
بنت الجيران
شباك جديد إتفتح على دنيا تانية
بتبص منه على فصل تانى
و درج تانى
و حلم تانى
وقرب تانى
وفرحة تانية
أصعب دموع و ايديك بتفلت من إيديا
قلبك خلاص بيروحلها
على مهلها
على مهلها و مهلك .. بموت
أول خضوع
وانا خايفة وحدى م الرجوع
و الكون شتا
و دموع كتير
إنت و انا
إنت و انا
إنت و انا
أيام كتير
و شهر كتير
وسنين كتير
كلها كانت ديسمبر
شهر واحد ف السنة
لكن أخير
برد و مطر
وانا فيه لوحدى
كوثر مصطفى .. ديوان حكاية ديل حصان
الصور ل .. كريج باربر

24 comments:

Anonymous said...

w kal 3ada, tata2allaq el gameela kawthar mostafa...

ماشى الطريق said...

أنا قعدت فترة لابأس بها أدور علىأى ديوان لكوثر مصطفى مش لاقى
يا ريت يا عم ياسر لو تقولى هى بتنشر تبع دار نشر أيه
يبقى جزاك الله كل خير

Anonymous said...

لوهلة حسيت انك بتتكلم عن نفسك ..
ولوهلة حسيت انك بتتكلم عن حد فقدته من قريب او من زمان ..
لوهلة حسيت انك وحيد وانك غريب
تسلم ياياسر

FATMA said...

مش عارفة أقولك ايه؟؟؟؟

Anonymous said...

انا بس عاوز اعلق ع البوست اللى فات
انت عندك حق
غياب بنكهة الحضور افضل بكتير من حضور غائب مالوش لازمة بيستهلكك وخلاص
وبما ان كل حاجةاصبحت نكهة وشبة فماجاتش ع الحضور يعنى ..

Anonymous said...

كم هي جميلة كوثر مصطفي
و أيضا كم انت رائع . كيف لم ازورك من قبل ؟؟؟؟
ابوح

Anonymous said...

اختيارك جميل زي كلامها بالضبط..ـ
كل سنة وانت طيب يا ياسر

Anonymous said...

feen kalamak enta??
dont ever stop writing ..

Anonymous said...

مدونتك كلها دخلتني في حالة أنا كنت في غنى عنها حاليا لأني بجد مش ناقصة

وده مش ذم طبعا
بالعكس

مدونتك تحفة
مؤثرة جدا جدا

ولقلوبنا الله

بعد الطوفان والجو شبورة said...

daisy : تتألق جداً :)


ماشى الطريق : بص يا سيدى .. هو مفيش كتير دواوين منشورة ل كوثر .. بص الديوان ده إسمه : حكاية ديل حصان دار ميريت وموجود فى المكتبات

منور يا أستاذ

anonymous : على فكرة انا ماتكلمتش خالص فى البوست ده .. ده كلام كوثر مصطفى
و مش عارف انت جبت منين إنى وحيد و غريب .. لكن ليه لأ .. إحتمال أكون كدة

توتة :ماتقوليش .. واصل :)مبسوط لإنك بتزورينى


anonymous : مش كده برضه ؟؟! كدة أسعد و أامن

eshteraky : الله يخليك جداً .. و تفضل تزورنى دايماً


eno : انتى بس اللى عنيكى حلوة و بتشوفى الحاجات أحلى
كل سنة و انتى طيبة
باشوف صورك و عجبانى جداً
تسلمى

radwa : ماهو ده برضه كلامى .. لما باكون مش قادر أتكلم يتكلم الشعر بلسان حالى

كونى بخير دايماً

دينا فهمى : مش عارف أرد عليكى بأيه .. مش عارف بقى

إفضلى تزورونى

كلامك كمان مؤثر وواصل
أشكرك جداً و أحييك على قدرتك على إحتمالى :)1

Anonymous said...

حلو اوي

Anonymous said...

قدرتي على احتمالك؟؟
واضح ان كلامى زعلك
والله انا ماكانش قصدي أبدا يوصل معنى مش لطيف ليك
وفعلا متأسفة

Anonymous said...

القصيده دي جميله بجد....اختيار بجد حلو

Anonymous said...

اختيار جميل بجد....كأنها ذكرياتي...مع انها ما حصلتليش....بس تخصني...مش عارفه ازاي؟؟

love4u said...

روعه روعه جميله

و ححاول اجيب الديوان و اقراه

شكرا لك

Anonymous said...

الله يحفظك يا ست كوثر
و متشكرين يا ياسر

true married sex stories said...

``How do you know myname. The next day, still feeling a little tired, I took the trip to Rhamnus andset about re doing his dosages, this time with my DNA.
caught crossdressed and hogtied bondage stories
free adult baby girl stories
free xxx taboo sex stories
erotic stories with pictures
adult book sex stories
``How do you know myname. The next day, still feeling a little tired, I took the trip to Rhamnus andset about re doing his dosages, this time with my DNA.

Anonymous said...

نتيجة الشهادة الاعدادية الترم الاول 2013 , محافظة البحيرة

Anonymous said...

نتيجة الشهادة الاعدادية الترم الاول 2013 , محافظة البحيرة

Anonymous said...

نتيجة الشهادة الاعدادية الترم الاول 2013 , محافظة البحيرة

Anonymous said...

نتيجة الشهادة الاعدادية الترم الاول 2013 , محافظة البحيرة

Anonymous said...

نتيجة الشهادة الاعدادية الترم الاول 2013 , محافظة البحيرة

Anonymous said...
This comment has been removed by the author.
Anonymous said...
This comment has been removed by the author.